Иң зыянлы диета нинди?
Детокс-диеталар, карабодай яки кефир гына эчеп тору организмга зур зыян китерергә мөмкин.
Спорт диетологы, нутрициолог Ирина Писарева сүзләренчә, карабодай яки кефир гына ашап тора торган диета организмга зыян китерергә мөмкин. Бу турыда ул RT сайтына сөйләгән.
«Мәсәлән, карабодай яки кефир диетасы бик начар. Гел бер ризык ашаганда, организмга микроэлементлар һәм витаминнар җитәрлек дәрәҗәдә керми. Организм хәлсезләнә, иммунитет түбәнәя, кеше авырый башларга мөмкин, энергия аз була. Ике көн ул бер үк ризыкны ашый, аннары туя. Бу диеталар бик аз калорияле», — ди табиб.
Детокс-диета организмга зыян китерергә мөмкин. Бу очракта туклану рационы соклар һәм смузидан тора. Табиб сүзләренчә, бу диета вакытында эчәклеккә азыкны эшкәртү өчен көч сарыф итәргә кирәкми, азык бик таркалган рәвештә керә.
«Миңа смузи гына ашый торган, биш-алты яшелчәне һәм җимешләрне бергә кушып болгаткан дектокс-диеталар ошамый. Аларның кайсыберләре бөтенләй бер-берсе белән туры килми. Эчәклеккә болгатылып беткән ризык керә, ул аны эшкәртү өчен энергия сарыф итми диярлек. Эчәклек атрофиясе була», — ди табиб.
Туклану рационын төзегәндә һәркемнең шәхси үзенчәлекләрен исәпкә алырга, хроник авыруларын белергә кирәк, диелә хәбәрдә.