Җиңел машина белән идарә итүче 16 яшьлек малай 13 яшьлек сеңлесен имгәткән
Кыз бала авыр хәлдә реанимациядә ята.
26 декабрь кичендә Төмән шәһәрендә җитди авариядә үсмер бала имгәнгән. Бу турыда «Вести» каналы хәбәр итте.
Якынча белешмә буенча, 16 яшьлек үсмер танышының машинасын алып тора. Ул үзенең туганнан туган сеңлесен машинада йөреп кайтырга алып китә. Бер мизгелдә үсмер малай машина белән идарәне югалта, машина кырыйга шуып китә. Аннары автомобиль баганага барып бәрелә.
Авария вакытында пассажир утыргычында булган 13 яшьлек кыз бала имгәнә. Ул яньчелгән машинадан үзе чыга алмый. Баланы коткаручылар махсус кораллар кулланып кына тимер арасыннан ала.
Хәзерге вакытта 13 яшьлек кыз авыр хәлдә реанимациядә ята. Авария китереп чыгарган үсмер малай җитди имгәнмәгән, диелә хәбәрдә.
