Җиңел машина һавада әйләнеп, түбәсе белән җиргә капланган мизгел видеога эләккән

18 майда Подольск өлкәсенең Лемешево авылы тирәсендә юл һәлакәте булган. Авария вакытында җиңел машина "очып" киткән мизгелне видеорегистратор камерасы төшереп алган. Бу кадрларны "Вести" каналы күрсәтте.

Җиңел машина борылышта идарәсен югалта һәм юлдан чыгып китә. Автомобиль түмгәккә бәрелгәннән соң, "очып" диярлек киткән мизгел видео кадрларында күренә.

Машина һавада әйләнә һәм түбәсе белән җиргә килеп төшә.