Хуҗалары йоклатып үтергән эт терелеп, кабердән кире чыккан
Юлдан сөйрәлеп бара торган ябыгып беткән этне узып баруы машинадагы кыз шәһәргә алып кайткан.
Комида овчарка этен хуҗалары йоклатып үтергән һәм җиргә күмеп куйганнар. Эт исән калган һәм кабереннән чыгып, трассага килгән. Бу турыда «Вести» каналы хәбәр итте.
Юлдан сөйрәлеп бара торган ябыгып беткән этне узып баручы машинадагы кыз күреп ала. Ул башта узып китә, аннары кире килеп этне ашата. Бу вакытта эт юл кырыенда хәлсезләнеп ята торган була.
Кыз этне машинасына утыртып Ухта шәһәренә алып бара. Биредә сукбай этләргә ярдәм итә торган фондка мөрәҗәгать итә. Эткә ярдәм итәләр, ветеринар карый, дәвалау билгели.
Әлеге табылдык турыда социаль челтәрләрдә язалар. Шуннан соң хуҗалар табыла — бу аларның Кирюшасы булып чыга. Алар этнең каты авыруын, шуңа күрә йоклатып үтерүләрен, күмеп куюларын сөйли. Доза аз булу сәбәпле, эт исән калуы ихтимал. Ләкин бераздан хуҗалар сүзләреннән баш тарта һәм социаль челтәрдә аралашкан язуларын да бетереп ташлыйлар.
Хәзер волонтерлар бу эткә яңа хуҗа эзли, диелә хәбәрдә.