Һиндстанның Гуджарат штатында винтсыман күпер ишелгәч, үлүчеләр саны 141гә җитте. 177 кешене коткарганнар. Югалган кешеләрне эзләү дәвам итә. Соңгы белешмә буенча, 20 кешене хастаханәгә китергәннәр. Бу турыда «Вести» каналы хәбәр итте.
Мачху елгасы өстендә асылмалы күпер якшәмбе көнне кич белән ишелеп төшә. Бу вакытта күпер өстендә 500ләп кеше була. Алар арасында хатын-кызлар, балалар бар.
Гуджаратның эчке эшләр министры Харә Сангави сүзләренчә, җинаять эше ачылган.
Әлеге күпер 150 ел чамасы элек төзелгән. Соңгы җиде айда аны төзекләндерү өчен ябып торганнар һәм быел 26 октябрьдә ачканнар.
Соңрак ачыкланганча, әлеге конструкцияне иминлек сертификаты алмаган килеш куллануга тапшырганнар, диелә хәбәрдә.
Күпер ишелгән мизгел видеога эләккән. Фаҗига булырга берничә секунд алданрак кешеләр күперне селкетергә маташкан, дип яза РЕН ТВ.