Һиндстан халык саны буенча Кытай Халык Республикасын узып китте. Ике ил арасында аерма – 29 миллион кеше. Бу хакта Берләшкән Милләтләр Оешмасының халык саны буенча Фондына сылтама белән РИА Новости хәбәр итә.
Һиндстанда халык саны – 1,4286 миллиард кеше, Кытайда – 1,4257 миллиард.
Һиндстанда 0-14 яшьлек кешеләр халыкның 25 процентын, ә Кытайда 17 процентын тәшкил итә.
- 10-19 яшьлекләр Һиндстанда – 18%, Кытайда –12%;
- 10-24 яшьлекләр Һиндстанда – 16%, Кытайда – 18%;
- 16-64 яшьлекләр Һиндстанда – 68%, Кытайда – 69%;
- 65 яшьтән өлкәнрәкләр Һиндстанда – 7%, Кытайда – 14%.
Гомер озынлыгы буенча Кытай Һиндстаннан өстенрәк, диелә хәбәрдә. Кытайда хатын-кызларның гомер озынлыгы 82 яшь, ә ир-атларныкы 76 яшь, ә Һиндстанда хатын-кызларныкы 74 һәм ир-атларныкы 71 яшь.
Һиндстанның демографик төрлелеге илнең штатлары арасында файда алу өчен уникаль мөмкинлекләр бирә, диелә хәбәрдә.