Хичин (рецепт)
Мамадыш районы Олыяз авылыннан Гөлнара Галимуллинадан хичин рецептын тәкъдим итәбез.
Камыр өчен: 1 стакан сөт, 1 стакан сыек май (атланмай кулланырга да була), чамасы белән тоз, шикәр комы.
Барысын бергә әйбәтләп болгатырга, иләгән он өстәп, яхшы итеп камыр басарга. Камырны 10-20 минут "ял иттерергә".
Эчлек өчен: бәрәңге боламыгы, сыр, укроп.
Камырны кечкенә кисәкләргә бүләргә, җәяргә, эчлек салырга һәм түгәрәк шарчык ясарга, янә шуны җәяргә. Майсыз табада пешерергә. Атланмай белән майлап берсе өстенә берсен өеп барырга.
"Хичиннар бик тәмле була", - ди хуҗабикә.