Хатынын кимсеткән өчен, улы атасын үтергән

Хәл Чистай районында булган, дип хәбәр итә республика прокуратурасының матбугат хезмәте.

Чистай суды атасын үтергән 31 яшьлек ир-атны җиде елга ирегеннән мәхрүм иткән, диелә хәбәрдә.

Фаҗига быел 6 июль көнне Чистайның Борнаш авылында килеп чыга. Хәмер эчеп утырган ата белән ул эләгешеп китәләр һәм бер-берсен буа башлыйлар. Улы әтисен терсәге белән басып, башына һәм тәненә суга. Алган җәрәхәтләрдән әти кеше җан бирә.

Улы гаебен тулысынча таныган. Ачыкланганча, низаг атаның килене турында әйткән кимсетүле сүзләреннән соң башланган.

Комментарийлар (0)