Хатыны бала тапканчы Илназ Хәнәфиев аерым яшәгән
Яшь җырлы гаилә Альбина һәм Илназ Хәнәфиевләр гаиләсендә зур яңалык – кызлары туды!
"Май ае – безнең гаилә өчен бәйрәмнәргә бай ай булып чыкты. 7 май көнне кызым дөньяга аваз салды. Буе – 52 см, авырлыгы – 3420 грамм. Мин моны хатынымнан туган көнемә бүләк итеп кабул иттем, чөнки 8 майда туган көнем булды. Ә 4 майда Альбинаның туган көнен үткәргән идек”, - дип сөйләде Илназ.
Хәнәфиевләр кызларына Нәфисә дип исем кушкан. Моның үз тарихы бар икән. “Башта Зифа исемен уйлаган идек. Аннары Теләче хәзрәтенә барып, аннан хатын-кыз исемнәре сорадым. 10-15 исемнән торган исемлектән Нәфисәне сайладык”.
Илназ Альбинага бәби тапкан хөрмәткә iPhone 6s телефонын бүләк иткән. “Күптәннән шушы телефонга кызыгып йөри иде. Аның бәясе 33-34 мең сум тирәсе”, - ди әле дә әти булуына ышанып бетмәгән Илназ.
“Үзегез Теләчедә яшисез, ә ни өчен Альбина баланы Казанның бала тудыру йортында тапты?” дигән сорауга: “Бәби тууга 10 көн кала Альбинаны әти-әнисе йортына Биектауга илттем. Беренчедән, Биектау Казанга якынрак, Альбина табибга еш йөрде. Аңа шулай уңайлырак булды. Икенчедән, миңа эштән бүленәсе булмады”, - дип җавап бирде Илназ.
Илназ белән Альбинаны әти-әни булу бәхете белән котлыйбыз, нык сәламәтлек, иминлек телибез!
Хәнәфиевләр кызларына Нәфисә дип исем кушкан. Моның үз тарихы бар икән. “Башта Зифа исемен уйлаган идек. Аннары Теләче хәзрәтенә барып, аннан хатын-кыз исемнәре сорадым. 10-15 исемнән торган исемлектән Нәфисәне сайладык”.
Илназ Альбинага бәби тапкан хөрмәткә iPhone 6s телефонын бүләк иткән. “Күптәннән шушы телефонга кызыгып йөри иде. Аның бәясе 33-34 мең сум тирәсе”, - ди әле дә әти булуына ышанып бетмәгән Илназ.
“Үзегез Теләчедә яшисез, ә ни өчен Альбина баланы Казанның бала тудыру йортында тапты?” дигән сорауга: “Бәби тууга 10 көн кала Альбинаны әти-әнисе йортына Биектауга илттем. Беренчедән, Биектау Казанга якынрак, Альбина табибга еш йөрде. Аңа шулай уңайлырак булды. Икенчедән, миңа эштән бүленәсе булмады”, - дип җавап бирде Илназ.
Илназ белән Альбинаны әти-әни булу бәхете белән котлыйбыз, нык сәламәтлек, иминлек телибез!