Хатын-кызларга хаҗга ничә яшьтән ялгызы барырга ярый?
“45 яшькә кадәр хатын-кызлар Согуд Гарәбстанына ирекле керә алмый, якын ир туганының (мәхрәмнең) озата баруы таләп ителә”, - диде “ДУМ РТ ХАҖ” программасы җитәкчесе Ранис хәзрәт Вахитов.
- Мәхрәм – хатын-кызның ир-атлар арасыннан якын туганы. Ул аңа кияүгә чыга алмау сәбәпле, аларга бергә сәяхәткә чыгарга тыелмый.
“Согуд Гарәбстаны – илгә керү өчен хатын-кызлардан мәхрәм таләп итүче бердәнбер дәүләт. Әгәр кызның бертуган абыйсы яки әтисе озата бара икән, ул рәхәтләнеп хаҗ кыла ала. 45 яшьтән соң мәхрәм таләп ителми. Шушы яшьтән узгач, ул Согуд Гарәбстанына ирекле рәвештә бара ала”, - диде Ранис хәзрәт.
Хөрмәтле укучыларыбыз! Әгәр сезнең белгечләргә, артистларга, журналистларга сорауларыгыз булса, безнең Ватсапка языгыз: +79270379110 Без тиз арада сезнең сорауга җавап табарга тырышырбыз. Теләсә кайсы темага сораулар кабул итәбез.