«Хатасыз язарга өйрәнегез әле, яме!» - Алинә Сафиуллинаны тәнкыйтьлиләр
Инстачылар җырчы Алинә Сафиуллинаны хаталы язуда гаеплиләр.
«Исәнмесез! Менә сез дә шулаймы ул? Бер-ике көн ябыгып аласың да, фигура әйбәтләнә.
Шуннан ял көннәре җитә. Ничек ашамый түзәргә? Коймак бәйрәме, әни өчпочмак алып килә, апалар гөбәдия пешерә, чәйне дә коры килеш кенә эчеп булмый. Шоколад, кайнатма, кырмыска оясы тортыннан башка чәй эчәләрме инде? Шуннан көзгегә карыйсың, янәдән фигура кыйшая башлаган.
Инстаграмдагы кызлар ничек саклана икән? Аларны әниләре сыйламыймы икән, кунакка да йөрмиләрме икән? Йөрсәләр дә, ашамыйча түзеп утыралармы икән?
Бу бераз ябыграк чакта төшкән фото», — дип язган җырчы Инстаграм сәхифәсендә.
«Мин буген кунактан кайтканда нәкь шушы сүзләрне Линарга әйттем», — дип язган җырчы Айгөл Бариева.
«Балерина син! Сиңа тазару янамый, кызый! Менә без ул…» — дип Алинәгә җавап биргән җырчы Гөлнара Габидуллина.
Тик кайбер инстачыларны бөтенләй башка сорау борчыган.
«Бераз Айгөл Бариевадан үрнәк алып, хатасыз язарга өйрәнегез әле, яме», — дип боерган бер ханым.
«Кайсыгыз анда хата тикшереп утыра? «Артыңны яп», — дип кәҗә сарыкка әйтә ди», — дип җавап биргән икенче инстачы хата тикшереп утыручыларга.
«Остарып утырма, яме», — дип өстәп куйган берсе.
