Хастаханәдә онкология бүлегендә дүрт бала үлеме сәбәпләрен тикшерүчеләр ачыклый
Аларга дөрес итеп ярдәм күрсәтмәгәннәр, дип фаразлыйлар.
Новосибирск өлкәсендәге хастаханәләрнең берсендә дүрт бала үлгәннән соң, җинаять эше ачылган. Бу турыда Тикшерү комитетына сылтама белән РЕН ТВ хәбәр итте.
Тикшерү версиясе буенча, балалар 2020-2021 елларда Новосибирск үзәк район хастаханәсенең онкология һәм гематология бүлегендә дәваланган.
«Аларга тормыш һәм сәламәтлек иминлеге кагыйдәләренә туры килми торган хезмәтләр күрсәтелгән. Шул сәбәпле алар барысы да һәлак булган», — диелә хәбәрдә.
Җинаять эшен тикшерү бара, экспертизалар билгеләнгән. Тикшерү эшен Россия Тикшерү комитеты рәисе Александр Бастрыкин контрольдә тота, диелә.