Халык буем кыска дип борчылучы Илсөя Бәдретдинованы тынычландыра
Җырчы төркемендәге озын буйлы кыз белән янәшә баскан видео куйган.
Җырчы Илсөя Бәдретдинова төркемендәге озын буйлы кыз белән янәшә төшкән фотосын куйган. Видеода «Гомерем уза инде озын буйлы кызларга кызыгып… Буем кыска булса да… Нәрсәм яхшы икәнлеген әйтерлек сүз тапмадым. Сез дәвам итегез әле», - ди ул.
Җырчының виртуаль дуслары җавапны тиз тапкан. Алар шулкадәр күп ки, укып бетерә торган түгел. «Иң еш кабатланганы — «Кечкенә булсам да, барысын да үзем булдырам».
«Бәләкәй кеше - чикләвек төше»;
«Мин — мишәр»;
«Минем авылым зур, мин атказанмаган, җәелеп китеп концертлар куеп йөрим»;
«Күзләрегезнең төсе матур»;
«Телгә оста»;
«Акылым зур»;
«Телем озын»;
«Талантым бар»;
«Нинди буйда булсак та, иң мөһиме — тазалык!!! Чибәр хатын — таза хатын, дип юкка әйтмиләр»;
«Алтын зур булмый»;
«Эш буйда түгел, кызлар! Диванга яткач тигезләнә ул. Иң мөһиме, кеше булырга кирәк»;
«Буй белән су буе үлчәмиләр, чукынчык!»;
«Көчле һәм хезмәт сөючән»;
«Мин син кия алмаган биек үкчәле туфли кия алам»;
«Үз буема үз акылым җитә»;
«Кечкенә хатын-кыз ир-атларга яхшы бүләк», - дигән комментарийлар калдырган җырчының иҗатын яратучылар.