Хабаровскида хәрбиләр авариягә очраган, имгәнүчеләр арасында Уфа кешесе дә бар
«Урал» машинасы җиңел машина белән бәрелешкәч, алты кеше имгәнгән.
Хабаровск өлкәсендә ике машина бәрелешкән, алты кеше имгәнгән. Бу турыда РЕН ТВ хәбәр итте.
Бүген Ванино–Монгохто юлында җиңел машина һәм зур «Урал» бәрелешә. «Урал» машинасында хәрбиләр була.
Имгәнгән алты кешене хастаханәгә китергәннәр.
«Башинформ» агентлыгы үз чыганагына сылтама белән хәбәр иткәнчә, хәрбиләр тимер юл гаскәрләрендә хезмәт итә. Имгәнгән кешеләрнең кимендә берсе Уфада туып үскән, диелә бу хәбәрдә.