Иҗади гаилә Гүзәлем һәм Салават Миңнехановлар Азнакай районының Карамалы Елга авылында яшәүче Тәслия әби белән Язкәр бабай Җиһаншиннарны дөньяга танытты. Әби белән бабай «Ай-яй-яй» һәм «Кил, кил» җыр клипларында төште. Хәзер инде Язкәр бабай вафат, ә җырчылар әбине онытмый. Аны бәйрәмнәр белән котлап тора, көтмәгәндә, күчтәнәчләрен алып, хәл белергә дә кайталар.
Гүзәлем һәм Салават Миңнехановлар: «Тәслия әбине таныйсыздыр...»
Җырчылар чираттагы тапкыр Тәслия әбигә кунакка кайткан. Тәслия әби аларның кызлары Мәдинәне рәхәтләнеп сөя, аннары яңалыклары белән бүлешә. Артистларны кунак итә дә, ашыга-ашыга, күчтәнәч тутыра башлый.
«Менә әниеңә бирерсең, пешереп ашар», – дип, лар-суыткычыннан тавык ите алып бирә әби, шул арада Гүзәлем тутырган йомырка пакетын алып, тагын өсти.
«Менә Тәслия әби шундый инде. Бер кап чәй тотып кайтасың, ә ул төяп җибәрә», – дип шаярта Салават.