Гүзәл Уразовага гаҗәеп бүләк биргәннәр: «Мондый ашый торган букет биргәннәре юк иде»

Гүзәл Уразова: «Мондый ашый торган букет биргәннәре юк иде»

Гүзәл Уразова социаль челтәрдәге сәхифәсенә тамашачысы биргән букет белән төшкән фото куйган. 

«Әле мондый зур, ашый торган букет биргәннәре юк иде. Чаллыда бүләк иттеләр. «Бер атна ясадым», – ди балакаем», – дип язган җырчы.

«Искитмәле! Хәзер талантлы, сәләтле һәм юмарт кешеләр күп. Гүзәл, син бу бүләккә лаек»;

«Менә бу – тамашачының Гүзәлне һәм аның гаиләсен чын күңелдән яратуын, хөрмәт итүен күрсәтә. Молодец, Гүзәл! Сез яратуга, хөрмәткә лаек», – дип сокланган иҗади гаиләне күзәтеп баручылар.

«Ата-анасыз калган балаларга бүләк итегез», «Үз бүләкләрегезне мохтаҗларга, балалар йортларына тапшырыгыз», – дип тә киңәш бирүчеләр бар.

«Мондый букет белән стоматологиягә сертификат та кирәк инде», – дип язган берсе, уены-чыны белән.