Гүзәл Уразова тормышчан җырының премьерасын тәкъдим итте. «Юллар сызам» җыры барлык музыкаль мәйданчыкларда чыкты.
«Мин дә сезнең кебек. Юллар сызам, бозам, кире сызам! Ялгышлардан ныгыйм кабаттан», – дип язган җырчы.
Җырның авторлары – Айгөл Нуриева, Дилүс Шәйхразиев.
«Бәгырьләргә үтеп керде бу җырыгыз. Сүзләр артык. Бик матур! Концерт вакытында ук рәхәтләнеп кушылып җырлап утырдым»;
«Көе дә, җыры да тормыш турында»;
«Татар эстрадасында һәрдаим үз өстендә эшләүче бердәнбер артист, дисәм, һичшиксез ялгышмам. Үзенә баскычлар куеп, акрын гына зур үрләргә менә»;
«Искитмәле бик матур җыр, нинди моңлы тавыш»;
«Искиткеч чибәр, сезгә карап сокланып туеп булмый. Саулык, иҗади уңышлар сезгә! Бик моңлы җырларыгыз белән шатландырасыз безне»;
«Рәхмәт, Гүзәл апа! Авыр вакытта стимул бирде миңа бу җыр», – дип, күпсанлы рәхмәт сүзләре һәм изге теләкләр юллаган җырчының иҗатын күзәтеп баручылар.
