Иҗади гаилә Илдар Хәкимов белән Гүзәл Уразова балалары белән 2 атна Таиландта ял итте. 22 гыйнварда иртән Казанга очарга тиеш булганнар, тик рейсны тоткарлаганнар, алар кабат диңгезгә әйләнеп кайткан.
«Диңгез белән сөйләшәм, «ярар, шаулама, тиздән китәрбез» дигән булам. Диңгез белән саубуллашкан идем инде, тик шулай тиз очрашырга уйламаган идем», – дип сөйли җырчы видеода.
Соңрак җырчы шатлыклы хәбәре белән бүлешә. Рейсны озакка тоткарламаганнар, алар аэропортка ашыга.
«Казанга кайтасы килә. Алда 10,5 сәгать очыш көтә. Яңа планнар, яңа идея һәм яңа сулыш алып кайтам», – дип хәбәр итә артист социаль челтәрдәге сәхифәсендә.
