Игътибар итсәгез, җырчы Гүзәл Уразова соңгы вакытта бик нык ябыкты. Тамашачылары да моны күрә, сизә.
Дүртенче баласын алып кайтканнан соң, ул әзрәк килограммнар җыйган иде, хәзер кабат үз хәленә кайтты, ә бәлки, элеккеге чагыннан ябыграктыр да әле. Гүзәл үзе бүгенге халәтеннән бик канәгать күренә болай. Тамашачылары, социаль челтәрдә язылучылары арасында да аның буй-сынына сокланып язучылар байтак икән. Ләкин араларында Гүзәл өчен борчылучылары да бар.
«Гүзәл, сездә анорексия башланган бит инде, бер дә килешми болай. Картайта, 4 бала анасы мондый кием кими», – дип, тәнкыйтьләгән аны берәү.
– Үземнең тарафка күпме комплементлар ишетәм. Бик зур рәхмәт сезгә, нык «приятно». Бөтенесе: «Сез нәрсә, ашамыйсызмы әллә?» – диләр. Ничек инде ашамыйм, минәйтәм, табасы белән ашыйм, – дип сөйләгән Гүзәл сторисларында, бер таба яшелчә, җиләк-җимеш күрсәтеп.
«90-60-90 хәзер анорексия дип атала икән», – дип өстәп язып та куйган җырчы, үзенең үлчәмнәре белән мактанып.
Дүрт бала әнисенең мактанырлыгы да бар бит, әйеме? Йә, ничек уйлыйсыз, килешәме болай Гүзәлгә?
Гүзәл Уразованың социаль челтәрдәге аккаунтыннан