Гүзәл Уразова һәм Илдар Хәкимовларның төпчек кызлары Ариана һәрвакыт әти-әнисе белән булырга тели икән. Сабыйның якыннарыннан бер генә минутка да аерыласы килми, ничек кенә юмаласалар да, әти-әнисе белән барырга теләвен әйтә. Гүзәл сторисларында әнә шундый аерылышу мизгелләренең берсен күрсәтә.
«Минем сезнең белән барасым килә. Аз гына мөмкинме? Мин сезгә комачауламам», – ди нәни.
«Беләбез, кызым, безгә комачау итмәячәгеңне. Тик син монда кал, ял ит инде, яме», – ди аңа әнисе.
«Ю-ю-к, минем сезнең белән барасым килә», – ди Ариана.
«Кызым, бүген безнең концерт бит. Концертта нишлисең инде син?» – дип кушыла аларга әтиләре.
«Син монда ял ит, урамда йөр, тәмле әйберләр аша, йокла», – дип үгетләвен дәвам итә Гүзәл дә.
«Юк, минем сезнең белән барасым килә», – ди һаман Ариана. Еламаса да, сабыйның күзләре моңсу.
«Менә шулай, нәрсә булса да, безнең белән барасы килә. Бернәрсәгә дә алыштырмый безне», – дип сөйли видеода Илдар Хәкимов.
«Өйдән чыга башласак, йөрәк өзелә… Ариана гел, сезнең белән барам, ди», – дип язган Гүзәл Уразова, видеоны шәрехләп.
