Гүзәл Уразова үзенең милкен сата. Җырчы шәхси блогына микроавтобусларын сатуы турында видео яздырып урнаштырды. Аның сүзләренчә, алар автобусны тагын да күбрәк пассажир сыйдырышлы транспорт алу сәбәпле сатарга уйлаганнар.
«Машина түгел, «зверь». Бүген сатуга куйдык, чөнки зуррак автобус алдык. Микроавтобуска 17 кеше сыя, комплектациясе бик яхшы. Артында костюмнар элә торган урыны да бар», – дип мактый җырчы гастрольләргә йөри торган транспортын. «Ирекне сатмыйбыз, ул комплектка керми, үзебезнеке», – дип тә шаярта Гүзәл Уразова белән Илдар Хәкимов, микроавтобус руле артында утырган егеткә ишарәләп.
Машина белән инде кызыксына да башлаганнар. «Мин сторис кертеп бетергәнче үк 2 кеше шалтыратты инде», – дип белдерде ахырдан җырчы.
