Гүзәл Уразова: «Әле психологка барып җитмәдек, шулай да «ычкынган» чаклар була инде»

Гүзәл Уразова белән Илдар Хәкимов, булган вакыйгаларга нигезләнеп, «Нигә белмәдем» дигән җырларына клип төшергәннәр. Клипта төп рольне Гүзәл белән Илдар үзләре уйнаган. Сценарий буенча бер-берсен аңламаган ир белән хатын, киңәш сорап, гаилә психологына мөрәҗәгать итә. Ә аннары? Аннары инде барысы да төштәге кебек кенә җайлашып китә.

Бу – безнең тормышның бер өлеше, – дип билгеләп үткән Гүзәл Уразова, яңа иҗат җимешләрен шәрехләп. – Әле психологка барып җитмәдек, шулай да «ычкынган» чаклар була инде. Буран да туздырабыз, яшен дә яшьнәтәбез, көләбез дә, елаган чаклар да була. Тик бирешмәскә тырышабыз. Ни булса да, без бергә. Яраткангадыр, күрәсең. Бүгеннән «ни өчен яратасың» дисәләр, үзем дә белмим, нигә яратканымны әйтә алмыйм. Әллә без генә ике җүләрме?» –  дип сораган ул тамашачыларыннан.