Гүзәл Уразова һәм Илдар Хәкимовлар гаиләсендә сөенечле яңалык
Артым бар! Юк ла инде, Гүзәл түгел, ә песиләре бәбәйләгән.
“Безнең Милашка бүген әни булды”, – дип хәбәр иткән Гүзәл социаль челтәрләрдә. Кайчан гына әле бу песигә җырчы бөтен тамашачысы белән исем эзләгән иде, менә бит, инде нинди сөенече белән уртаклашкан.
“Ничә бала китерде?” “Яхшы хәбәр бит бу! Балаларын кайда куясыз?”, “Әле мәче туе да уздырырсыз. Барысын да үзегездә калдырасызмы әллә?”, “О-о, нинди зур сөенеч, Раббым!”, “Артым белән сезне! Бәбиләрен күрсәтерсез”, “Исән-сау булсыннар”, “Котлыйбыз”, – дип уенын-чынын бергә кушып, ихлас шатланып язганнар Гүзәлгә виртуаль дуслары.
“Хәзер инде оныклар тәрбиялисе була,” – дип көлгән Гүзәл үзе дә.
