Гүзәл Уразова дистә ел элек яздырган «Көтәм сине» җырын кызы Эллари белән җырлый башлаган

Гүзәл Уразова ике дистә ел элек яздырган «Көтәм сине» җырын кызы Эллари белән җырлый башлаган.

«Көтәм сине» җырын мин 2001 елның декабрь аенда яздырган идем. Бүгенге кебек хәтерлим. Оскар Усмановның студиясе ул вакытта Бауман урамында «Матбугат йорты»нда урнашкан иде. «Минем серем» альбомына соңгы җырларның берсе булып керде ул. Ул вакытта мин әле булачак тормыш иптәшем Илдар Хәкимов белән дә таныш түгел идем.

Хәзер инде бу җырны мин кызым Эллари белән башкарам. Менә бит, узган гомерләр – аккан су кебек, дип, юкка әйтмиләр. Чын ретро җыр, дип әйтергә була. Рәхәтләнеп тыңлагыз», – дип язган җырчы социаль челтәрдәге сәхифәсендә.

Җырның авторлары – Оскар Усманов һәм Рәмис Аймәт.

«Хәзер мондый җырлар язылмый. Күңелгә үтеп керә»; «Сандугач кызлар»: «Бигрәкләр дә матур җырлыйсыз инде. Бик яратам иҗатыгызны»; «Артисттан артист туа» кебек комментарийлар бихисап. Шулай ук Гүзәл Уразованың концертын да яратып караулары һәм югары дәрәҗәдә узуы турында да комментарий калдырганнар.