Гүзәл Мортазина Казан мэрының яңа ярдәмчесе итеп билгеләнде. Бу хакта шәһәр мэры Илсур Метшинга сылтама белән «Татар-информ» хәбәр итте.
Аңа секретариатның эшен төгәл оештыру бурычы йөкләнәчәк. Бу документлар әйләнеше белән бәйле оештыру мәсьәләләрен вакытында һәм сыйфатлы хәл итүне, шулай ук барлык бүлекчәләрнең нәтиҗәле хезмәттәшлеген тәэмин итү өчен кирәк, дип аңлатты мэр.
«Югары юридик белеме бар. Элегрәк Казан мэриясенең торак сәясәте идарәсендә эшләде. Калган хезмәт эшчәнлеге юридик хезмәт белән бәйле булды», — дип билгеләп үтте Илсур Метшин.