«Гүзәл, ишекне ач!» – Ташлашканнан соң, егет кызга биргән бүләкләрен кайтаруны сорый

Стәрлетамакта егет, ташлашканнан соң, кызына биргән бүләкләрне кире сорап, подъезд ишеген җимерә язган. Бу видеоны «Мэш Батач» каналы күрсәтә.

Видеодан аңлашылганча, егет кызга айфон һәм балдак бүләк иткән булган. «Ул синеке түгел, кайтар», – ди егет. «Ул минеке», – ди кыз һәм егет янына сөйләшергә чыкмый. Нервланган егет подъезд ишегенә тибә. «Гүзәл, чык!» – дип кабат таләп итә ул, әмма кыз чыкмый да, егетне дә кертми.

Социаль челтәрләрдә күпчелек кызны яклаган.