Татарстанның халык артисты, композитор, җырчы Фирзәр Мортазин кызы Чулпан Мортазина репертуарындагы «Пар канатым» җырын яшь җырчы Гүзәл Гарәфиевага тәкъдим иткән. Шунысы кызык – Гүзәлнең тавышы Чулпан Мортазина тавышына охшаш. Шулай итеп, Гүзәл җырга яңа сулыш өргән.
– Рәхмәт бик зур, Фирзәр абый Мортазинга, миңа шушы җырны ышанып тапшырганы өчен! Яшь чактан яратып тыңладым бу җырны, һәм кем уйлаган бит, мин үзем җырлап чыгарырмын, дип! Аллаһы Тәгаләгә мең рәхмәт, яхшы кешеләр очраганына юлымда, – дип язган «ВКонтакте» сәхифәсендә Гүзәл Гарәфиева.
Җырның көен Фирзәр Мортазин, сүзләрен Наил Галимов иҗат иткән. Җырны эшкәртүче – Илдар Ногманов.