Вакыт узу белән кухняда пыяла капкачлар пычранып бетә. Аларны чистарту кыен, ялтыравыгын да кайтарып булмый. Менә шундый капкачларны чистарту ысулы турында https://prokazan.ru яза.
Моның өчен өйдә һәркемдә булган 2 гади ингредиент җитә. Күп көч таләп ителми, ә нәтиҗә беренче кулланудан соң ук күренә.
Кирәкле ингредиентлар:
- 2 аш кашыгы аш содасы,
- 1 аш кашыгы водород перекисе.
Ике компонентны болгатып, куе паста ясагыз. Ул акмый, шуңа күрә капкачның бөтен өслегенә сөртергә була.
Ничек кулланырга?
- Капкачны җылы су белән юып, пычрак һәм ризык калдыкларын бетерегез.
- Пастаны сөртегез: губка яки йомшак щетка ярдәмендә пыяла өстенә тигез итеп җәегез.
- Ярты сәгать көтегез: бу вакыт эчендә перекись май катламын йомшарта, ә сода пычракны җиңелрәк алырга ярдәм итә.
- Чистартыгыз: 30 минуттан соң түгәрәк хәрәкәтләр белән пычракны ышкып чистартыгыз.
- Юыгыз: паста калдыкларын җылы су белән юып төшерегез.
- Киптерегез: чиста сөлге белән капкачны корытып алыгыз – бу таплар һәм су эзләре калдырмый.
Катнашма ничек эшли?
Водород перекисе – майны эретә торган көчле табигый чистарткыч. Аш содасы исә йомшак абразив булып тора: пыяла өслекне тырнамый, ләкин каткан пычракны яхшы бетерә. Алар икесе бергә кушылып, иң катлаулы пычракка каршы да нәтиҗәле һәм куркынычсыз чара була.
Өстенлекләре
- Иң беренче плюс – гади һәм арзан ингредиентлар. Алар һәр өйдә бар.
- Куллану җиңел. Бернинди махсус җайланмалар кирәкми.
- Куркынычсыз. Химик чистарткычлар кебек пыяла өслекне бозмый.
- Күп функцияле. Бу пастаны кәстрүл, пыяла савыт, мич өчен формалар, хәтта металл капкачларны да чистарту өчен кулланырга мөмкин.
Даими кулланганда, кухня савыт-сабалары һәрвакыт ялт итеп торыр, вакыт һәм акча да янга кала, экология ягыннан да куркынычсыз, сәламәтлеккә дә зыянлы түгел, диелә хәбәрдә.