«Гроза» позывнойлы Башкортстан хәрбие Татарстаннан махсус хәрби операциягә китә

«Россия өстеннән пилотсыз очкычларның очуын бүтән күзәтеп тора алмадым»

«Гроза» позывнойлы хәрби күптән түгел РФ Оборона министрлыгы белән контракт төзеде һәм хәзер Донецк юнәлешендә хезмәт итә. Без аның белән ул хәрби зонага киткәндә таныштык һәм хәзер дә элемтәдә торабыз. Ул вакытта хәрби махсус хәрби операциягә бару карарының катгый булуын әйтте. Гаиләсенә моны кабул итү җиңел булмаган, әмма нәтиҗәдә хатыны да, әти-әниләре дә бу карарны хуплаган.

«Диванда утырып, махсус операциядәге егетләрнең хәлләре турында фикер алышуга нокта куярга кирәк, дигән карарга килдем. Егетләрнең махсус операция зонасында һәлак булуларын һәм пилотсыз очкычларның Россия өстеннән очуын тыныч кына күзәтергә теләмәдем», - дип сөйләде Гроза.

Гроза тумышы белән Башкортстаннан, ләкин контракт төзергә Казанга килгән. Аның сүзләренчә, Татарстанда махсус операциягә киүчеләр өчен булдырылган шартлар башка төбәкләрдәгегә караганда яхшырак.

Мәгълүматны ул интернетта тапкан, шалтыратып белешкән һәм килгән. Аңа юл чыгымнары түләнгән. Тиз генә медкомиссия узган, тиешле киемнәрне алган һәм биш көнлек укулар узган. Аңа 2,5 миллион сум түләнгән.

«Акча өчен китмим, акча минем өчен иң мөһиме түгел. Ләкин мин булмаган вакытта, акча минем гаиләмә кирәк булачак», - дип уртаклашты Гроза.

«Контрактка кул куйган һәркемгә 40 мең сумлык экипировка комплекты бирелә»

Илнең башка төбәкләрендә яшәп, махсус хәрби операция зонасында хезмәт итүгә контракт төзергә теләүчеләрне Татарстан чыннан да үзенә җәлеп итә. Бер төркем контракт төзүчеләрне махсус хәрби операция зонасына озаткан вакытта Ерак Көнчыгыш, Мәскәү, Дагыстан, Марий Элдан килүчеләр белән аралаштык.

Ни өчен башка республикаларда яшәүчеләр Казанга контракт төзергә килә? Бу сорауны без сайлап алу пункты хезмәткәрләренә бирдек.

«Россия Федерациясе Оборона министрлыгы белән хәрби хезмәт узу турында контракт төзегән гражданнар өчен Татарстан Республикасында иң югары түләүләр каралган. Хәзер бер тапкыр бирелә торган финанс ярдәме суммасы 2,5 миллион сум тәшкил итә. Аның хәрбиләр контрактны имзалаганнан соң ук ала», - дип аңлатты Казанда контракт буенча хәрби хезмәткә сайлап алу пункты башлыгы Андрей Козлов.

Аның сүзләренчә, Татарстанда махсус хәрби операциядәге хәрбиләр барлык ярдәм чараларын, шулай ук финанс ярдәмне тулы күләмдә ала. Бу хәрбиләр һәм аларның гаиләләре өчен көчле ярдәм.

«Контрактка кул куйган һәр кешегә «Защитник» экипировкасы комплекты бирелә, ул якынча 40 мең сум тора. Бу - штатлы хәрби киемнең аналогы. Шулай ук башлангыч хәрби әзерлек каралган, ул биш көнгә якын бара. Тактик, хәрби медицина әзерлегенә һәм пилотсыз очу аппараты белән идарә итү күнекмәләренә аерым игътибар бирелә», - ди Андрей Козлов.

«Әгәр кешенең кредиты бар икән, аның түләүләре хәрби хезмәт вакытында «туңдырыла»

Нәкъ менә шуңа күрә күпләр Ватанны сакларга нәкъ менә Татарстаннан китәргә тели, дип саный ул. Патриотлар республикага бөтен илдән килә. Алар, Татарстан кешеләре кебек үк, бер тапкыр бирелә торган 2,5 миллион сум түләү ала һәм ярдәмнең барлык төрләренә дә исәп тота алалар.

Хәрби хезмәткә сайлап алу пункты башлыгы урынбасары Игорь Булега аңлатканча, «Башкару производствосы турында» 229-ФЗ номерлы Федераль закон нигезендә, РФ Кораллы Көчләрендә махсус хәрби операция зонасында хезмәт итү турында контракт төзегән очракта, «бурычлының яки аның хатынының үтәлмәгән кредит йөкләмәләре, шул исәптән ипотека йөкләмәләре буенча башкару производствосы 10 млн сумга кадәр киметелә».

«Әгәр кеше кредит алган икән, ул хезмәт иткән вакытта түләүләр туктатылып тора. Әгәр кеше башка өлкәдән яки районнан икән, аңа Казанга кадәр билет алалар, алып киләләр, урнаштыралар, туклануны оештыралар, барлык сайлап алу чараларын, медкомиссия үткәрәләр», – диде Игорь Булега.

Түләүләрне югары дәрәҗәдә тоту, хәрбиләргә һәм аларның гаиләләренә ярдәм итү - республика өчен намус эше. Бу хакта Татарстан Рәисе Рөстәм Миңнеханов искәртеп тора.

Махсус хәрби операция зонасыннан кайтканнан соң да, Татарстан хәрбиләренә ярдәм итә. 2025 елда «Батырлар.Татарстан геройлары» программасы гамәлгә кертелде. Бу – махсус хәрби операция ветераннары өчен үзләрен тыныч тормышка яраклаштыру мөмкинлеге.

РФ Кораллы Көчләре сафларында контракт буенча хезмәт итү, шулай ук премияләр, ташламалар һәм түләүләр турында күбрәк heroes-tatarstan.ru 8 (800) 222-59-00 һәм 117 телефоннары буенча белергә мөмкин.

Чыганак: «Татар-информ»