Грекча салат рецепты
Салатның ингредиентларын бергә салып болгатырга яки аларны аерым тәлинкәләргә бер-бер артлы салып барырга мөмкин.
Салат өчен: 1 яңа өзелгән кыяр, 2-3 уртача помидор, ярты татлы борыч, ярты кызыл суган, салат яфрагы, 50 грамм зәйтүн җимеше, йомшак сортлы сыр (фета, брынза), ярты лимон согы, анар соусы, зәйтүн мае, тоз.
Кыярны ярымтүгәрәк, помидорны эрерәк, татлы борычны саламлап, суганны ярымбоҗралап, сырны шакмаклап, зәйтүн җимешен боҗралап турарга яки бөтен килеш салырга. Ингредиентларны барысын бергә болгатырга мөмкин, аерым тәлинкәләргә ясаган очракта һәркем үзе болгатып ашый.