«Горурланып яшим җирдә, татар булып»: Фирдүс Тямаевтан яңа җыр
Җырчы Фирдүс Тямаев, татар яшьләренә багышлап, яңа җыр яздырган.
Фирдүс Тямаев инстаграм сәхифәсенә татарларга багышланган өр-яңа җырын урнаштырган.
«Без һәр төбәктә яшәгән татарларга, бигрәк тә яшьләргә багышлап җыр яздык. Кая гына булсагыз да, үзегезнең телегездә сөйләшегез», — дип өнди җырчы милләттәшләрен.
Фирдүс Тямаевның күпчелек инстачылары, җырны тәнкыйтьләп, комментарийлар калдырганнар. «Сүзләре аңлашылмый», «Сүзләре татарча булса да, көе маңкортча», «Көе йомшаграк кирәк иде», — дип яза алар.
«Гафу итегез, беренче тапкыр җырлавым бу җырны», — дип җавап кайтара аларга Фирдүс.
Әлеге дәртле җырны ошатучылар да җитәрлек. «Синең бөтен җырың кәефне күтәрә», «Үтергеч булган бу, молодец», — дип язганнар алар.