Җырчы Гөлзада Шакирҗанова һәм Илгиз Хәсәншиннар гаиләсендә сөенечле вакыйга булган иде. Иҗади гаилә беренче тапкыр әти-әни булды, аларның уллары бар. Шушы көннәрдә сабыйга бер ай тулган. Шул уңайдан Хәсәншиннар улларына нинди исем кушуларын әйтте. Пар сабыйга Сөләйман дигән бик матур исем сайлаган.
«Исеме бик күркәм. Сау-сәламәт, бәхетле, тәүфыйклы, акыллы булып үссен. Бик шатмын сезнең өчен», «Бәбекәчегезне беренче ае белән», «Бәхете белән үссен», – дип теләкләр язып калдырганнар аларга интернет дуслары.