Җырчы Гөлсирин Абдуллина фотосессия өчен ясалган яңа образын күрсәтте.
«Бу образ килешә, диючеләр өчен! Фотолар әзер! Бәяләрегезне бирегез әле», – дип яза җырчы социаль челтәрләрдә.
Гөлсирин Абдуллинаның бу посты янында бер генә тискәре фикер дә юк. Язылучылары җырчының кәефен күтәрә торган комментарийларны бер дә кызганмаган. Кызыл фонда кып-кызыл күлмәк, кызыл берет һәм сапоги киеп төшкән Гөлсирингә алар «гел шулай йөрергә» киңәш итә.
«Шулай гына йөр, салма»;
«Бик тә килешә! Чибәркәй»;
«Супер булган»;
«Ого! Менә бу фотосессия! Фотолар искиткеч матур, мода журналы өчен төшкән сыман»;
«Сиңа кызы төс бигрәк килешә, Гөлсирин», – дигәннәр.
Кайберәүләр, әлеге фотоларда әнисе янәшәсендә кечкенә Сылу җитми, дигән фикер дә язып калдырган.
Фото: © социаль челтәрләр