Гөлсирин Абдуллинаның авылдашы махсус операциядә һәлак булган: «Эх, бу тынгысыз дөньяны»
Гөлсирин Абдуллинаның авылдашы махсус операциядә һәлак булган. Батыр истәлегенә туган авылында мемориаль такта куйганнар. Җырчы бу турыда сторисларында сөйләгән.
«Бер мәктәптә укыган идек Инсаф белән. Эх, шушы тынгысыз дөньяны! 21 яшь кенә иде бит. Люция апа белән Фәрит абыйга, туганнарына сабырлык телим.
Кичә Инсафка Урта Кирмән мәктәбендә мемориаль такта куйдылар. Батырларыбыз безнең. Күз яшьләрсез карап булмый, күңелләр тула», – дип яза Гөлсирин.
Инсаф Нуруллин контракт буенча мотоукчылар взводының өлкән мотоукчысы булып хезмәт иткән. Үлгәннән соң, Батырлык ордены белән бүләкләнгән. Аны 18 июльдә туган авылында җирләгәннәр.
