Җырчы Гөлсирин Абдуллина күңелле яңалыклар белән уртаклаша. Тиздән алар гаиләсендә туй көтелә. Гөлсириннең бер энекәше башлы-күзле булачак.
«Без бүген юлда, дуслар. Башкорстан якларына Илеш районына китеп барабыз.
Минем бер энекәшем йөргән кызына тәкъдим ясаган иде. Без исә бүген кыз сорарга барабыз. Менә шундый күңелле мәшәкатьләр белән йөрибез.
Азатларның андый тәҗрибәләре бар инде. Ә менә минем әни бик нык борчыла», – дип сөйләде ул бу хакта сторисларында.
Гөлсириннәр гаиләдә дүрт бала. Аның бер сеңлесе һәм ике энекәше бар. Бер энекәше Ислам Гөлсирин белән Азатның концертларында музыкант һәм җырчы буларак чыгыш ясый.