Иҗади гаиләнең тамашачы яратып өлгергән «Тыңла җилне» җырына клибы чыккан. Бу турыда Гөлсирин дә, Азат та социаль челтәрдәге сәхифәләрендә хәбәр иткәннәр.
«Тыңла җилне» җырына төшерелгән клип YouTube каналыбызда!
Зур рәхмәт җырның авторларына: Рамил Әсхәдуллин һәм Ризидә Мөхәметшинага. Зур рәхмәт клипның сценаристы, режиссеры – якын дустыбыз Азат Садыйковка, аның хатыны Миләүшәгә (администратор) һәм аларның уллары Самирга (кызыбыз Сылуның дусты). Рәхмәт әлеге өйдә төшерергә рөхсәт бирүчеләргә.
Алдан ук зур рәхмәт шушы клипны карап, фикерләрен язып калдыручы тамашачыларга. Без тырыштык!» – дип язганнар Азат – Гөлсирин.
Мәхәббәт бөркелеп торган әлеге клипны виртуаль дуслары да яратып кабул иткәннәр. «Шәп булган бу», «Килешле чыккан», «Тавышыгыз бик көчле, бик матур. Клип турында берни дә әйтә алмыйм, җыры шәп!» – дип, комментарийлар калдырганнар. Яшь гаиләгә тигез тормыш, иҗади уңышлар теләүчеләр дә булган.