«Тор, тор инде! Булмый бу бездән!»: Гөлсирин Абдуллина Сабан туенда чаңгыда йөргән

Гөлсирин Абдуллина белән Ранис Габбазов Әтнә районы Түбән Бәрәскә авылында Сабан туенда чыгыш ясаган. Алар, җырлаудан тыш, уеннарда да катнашкан.

Дүрт кеше 2 чаңгыны киеп йөгерергә тиеш булган, тик алар йөреп тә китә алмаган. Видеода күренгәнчә, Гөлсирин үзе социаль сәхифәсендә язганча, тәгәрәшкәннәр. Гөлсиринне чаңгыга соңгы итеп тә бастырып карыйлар, ләкин әллә ни алга китеш булмый.

«Әйдә тор, тор, тор инде! Рәмис таза арттан этә. Гөлсирин, тор инде әйдә. Булмый бу бездән. Гөлсирин артка басып кара әле. Әйдә, сул, сул инде», – дип әйдәләп тә карый алып баручы Илшат Вакказов.