Гөлназ Шәрипҗанова Татарстан Халыклар ассамблеясының рәхмәт хаты белән бүләкләнгән. Аны җырчыга Татарстан Республикасы Дәүләт Советы рәисе Фәрит Мөхәммәтшин тапшырган. Гөлназ, сәхнәгә чыккач, Фәрит Мөхәммәтшинга үзен 10 ел эчендә беренче тапкыр бүләкләүләре турында әйтергә өлгергән. Дәүләт Советы рәисе исә, бүләкләү тантанасын туктатып: «Ун ел эшләп, беренче тапкыр бирделәр, ди. Сынап та караганнар сине», – дип шаярткан.
«Шундый көннәрне дә күрергә насыйп булган. Эшемне бәяләгән өчен зур рәхмәт. Соңгысы булмас, бу әле – башы гына», – дип яза Гөлназ, фото-видеолар белән бүлешеп.