Гөлназ Шәрипҗанова бүгенге көндә бик тә актуаль булган видео төшереп урнаштырды. Ул аны: «Авылга кайткан «уңган килен» сериясеннән», - дип атаган.
Гөлназ авылда бала коляскасын тибрәтә-тибрәтә, кояшта кызынып утыра. Үзе рәхәтләнеп чиләгеннән генә бакча җиләге сыпыра. Артист авылда эш күплегенә дә зарланырга өлгерә.
Авылда эшнең һич тә бетәсе юк инде, юк. Бәрәңгене чүп баскан, әле аны күмәсе дә бар. Суган түтәлләрен утыйсы бар. Бәрәңгене агулап чыгарга кирәк. Кәбестәне дә агулыйсы бар. Урманда каен җиләге җитешкән, ди. Аны да җыясы бар әле. Тавык лапасындагы чүпләрне дә түгәсе бар әле. Авылда эшнең бетәсе юк, әйеме, кызым, – дип сөйли-сөйли дә, видеоның ахырын: «Эшләп кенә булмый», – дип йомгаклый ул.
Сездә дә шулай «эшләп булмаган» эшләр күп җыелдымы?