Гөлназ Шәрипҗанова Комыргуҗа авылында Сабан туен алып барган. Җырчы уеннарда да бик теләп катнашкан. Бәйрәм видеоларын ул социаль челтәрләрдә күрсәтте.
Кадрда 3 хатын-кыз бергә «чаңгы шуа». Иң алда – Гөлназ үзе. Алга барып кына булмый бит. Янда торган кешеләр: «Аягыңны шудыр гына, күтәрмә», – дип киңәш тә бирә. Атларга тырышкан саен, Гөлназ алга кулларына барып төшә, артында торган ханым аны тагын бастырып куя. «Урыннан да кузгала алмадык. Арттагы апа бастыра да куя, бастыра да куя», – дип, күңелле видео урнаштырган.