Гөлназ Шәрипҗанова үзе һәм балаларының чирләп китүләре турында язып, борчылуын белдергән иде. Инде барысының да хәлләре җайланган. Аннан зур планнар, зур эшләр көткәндә нинди авырып яту ди инде ул.
Май кояшы кирәк. Әле бу арада шундый зур эшләр эшләп йөрибез. Мунчада ремонт башладык. Аллаһы боерса, ике атнадан әзер була, – дип яза җырчы социаль челтәрдәге сәхифәсендә.
Гөлназ һәм Илсур Шәрипҗановлар төзелеп килә торган йортта фатир сатып алганнар дип язган идек. «Күченмәдек, ә ипотекасын түлибез инде», — дип сөйләгән иде Гөлназ. Иҗади гаилә шул фатирларының ачкычын да кулларына алган.
Үзебезнең яңа фатирда ремонт башланып китә. Хәзер торган фатирны сатабыз. Казанның нәкъ үзәгендә. Әле бүген бик матур фотопроектка чакырдылар. Чирләп ятарга вакыт юк, – дигән Гөлназ Шәрипҗанова