Гөлназ Сәфәрованың «Татар җыры»на кигән күлмәген һәм прическасын әбисе ошатмаган
"Татар-информ" архивы
Танылган алып баручы Гөлназ Сәфәрова, «Татар җыры» фестивале узганнан соң, әнисе белән авылга әбисенең хәлен белергә кайткан.
Әбисе кунакларын каршы алган да, «Татар җыры»н шәрехләргә тотынган.
«Чәчең бер дә ошамады, 3 тиенлек очлары, ямьсез. Берәр төрле бөдрәләтеп куярга була иде. Яратмадым. Аннары икенче күлмәгеңнең итәк яклары шундый матур, гүдәне матур тота, ә бөркәнчеге муенны кыскан да куйган. Битләрең кечерәеп калды. Ул күлмәк таза кешеләр өчен. Матур түгел», – дигән Гөлназның әбисе.
