Гөлназ Сәфәрова социаль челтәрдәге сәхифәсендә яраткан әбисе белән төшкән фото куйган. Хәер, аның әбисе күптән инде язылучыларының да яраткан әбисенә әверелде.
«Әби янына кайтып килдем: тәмле итеп ашатты-эчертте, йоклатты, акыл өйрәтте, мактады-сүкте. Догалар белән озатып калды», – дип язган Гөлназ.
«Бер матур киенә белмисең инде. Биле буылып тора торган курткалар, пәлтәләр юкмыни ул, ә шапкаң немец солдатларыныкы кебек», – дигән әбисе Гөлназга.
Гөлназның әбисе белән бик күпләр килешкән:
«Әби перфекционист кына түгел, ә стилист та. Шапкага төгәл диагноз куйган»;
«Әби дөрес әйткән»;
«Әбиең дөрес әйткән инде бер караганда»;
«Дөрес инде, бәхәсләшергә урын юк».
«Әби – шундый әби», «Аның каравы, әби матур киенгән», «Сөбханаллаһ», «Ак яулыклы әбиләребез», – дип, әбигә матур комментарийлар юллаганнар.
Фото: © Гөлназ Сәфәрованың социаль челтәрдәге сәхифәсеннән