Татарстанның атказанган артисты Гөлназ Сәфәрова әнисе һәм сеңлесе белән Салават Фәтхетдиновның 35нче сезон концертына барган. Сценарийлар авторы буларак ул концертның сценариена бәя биргән. «Безнең традиция: ел саен без – өч кыз: әни, сеңлем һәм мин – Салават концертына барабыз. Салават абыйның концертын инде барыгыз да карап бетергәндер. Быел билетлар ничектер тиз алынып беткәнгә, без өстәмә концертка алдык», – дип язган ул үзенең сәхифәсендә.
«Яңа җырлар бик әз булды бу сезонда.Үзем сценарист буларак, мин гел концертларның сценарийларына бик игътибар итәм. Концертның сценарие «не зашел» миңа. Ә Салават – Салават инде. Браво, маэстро! 14нче көн рәттән тере тавышка җырлый Салават абый. Концерт 80% таныш җырлардан торды», – дип язган ул.
«Концертта иң охшаган җыр шушы булды, елатты», – дип язган ул Салаватның «Әти җитми бу җанга» җыры турында.
