Гөлназ Сәфәрова начар гадәте турында: «Аның минем организм өчен зыянлы икәнен беләм»

Танылган алып баручы Гөлназ Сәфәрова язылучыларының сорауларына җавап биргән.

«Гөлназ, сез алкогольле эчемлекне бер дә кулланмыйсызмы, тәмәке дә тартмыйсызмы? Моңа ничек килдегез?» – дип сораган берсе.

«Алкогольне бөтенләй кулланмыйм. Моңа ничек килдемме? Үзем килдем, миңа алкоголь кызык түгел. Мин аннан башка да күңел ача, бии һәм нәрсә телим – шуны эшли алам. Аек акыл белән!

Тартуга килгәндә, кайвакыт кальян белән шаярам. Аның минем организм өчен зыянлы икәнен беләм. Әмма зыянсыз әйберләрдән башка күңелсез бит», – дип җавап биргән ул.