Популяр алып баручы Гөлназ Сәфәрова үзенең күп эшләп, аз ял итүе, хәтта ире белән күрешергә дә вакыты җитмәү хакында әйткән. 18 ноябрь көнне Уфада узачак «Татар җыры»н алып бара алмаячагын да шушы факт белән бәйләп аңлаткан.
«Алдан ук әйтеп куям. Мин бик нык гафу үтенәм. Ләкин 18 ноябрь көнне Уфадагы «Татар җыры»н алып бара алмыйм. Ул көнне самолет минем.
Бик сирәк ял итәм, бигрәк тә ирем белән. Без бөтенләй күрешмибез, дияргә дә була. Ирем ялга ноябрь уртасында гына чыга алды. Шуңа күрә миңа аның графигына җайлашырга туры килде.
Фотода минем ирем түгел, иң якын дустым – Айрат Ильясов», – дип язган Сәфәрова.
