Вилдан Шәмсетдинов – Виллига 3 ай эчендә 100дән артык штраф салганнар.
Суд приставлары сайты мәгълүматлары буенча, аның 116 мең бурычы бар, яртысыннан артыгы – ЮХИДИ штрафлары (нигездә «BMW X4» машинасында тизлек арттырган өчен). Июньнән бирле исәпләгәндә, барлыгы 155 штраф, дип яза «Mash иптәш» телеграм-каналы.
Телеграм-каналны алып баручылар Виллига шалтыраткан. Ул аларга барысын да түләячәген әйткән, ләкин соңрак: әлегә акчасы юк икән. Ул күптән түгел машинасын ремонтка биргән, двигателен төзәттерү өчен 750 мең түләгән.
- Вилдан белән Гөлназ Асаева 2020 елда гаилә корды. Шәмсетдинов 2018 елда Элвин Грей командасына кушылган иде, 2 елдан аннан китте.