Гөлназ Асаеваның элекке тормыш иптәше, «Вилли» псевдонимы белән чыгыш ясаучы Вилдан Шәмсетдинов гаиләсенә кайгы килгән. Җырчының бабасы вафат булган. Бу турыда ул социаль челтәрләрдә хәбәр итә.
«Бу юлы өйгә кайтуы бик авыр һәм газаплы… Олатай… Ул кичә вафат булды. Ул – минем балачагымның бер өлеше иде», – дип язган җырчы.
Бу көннәрдә Виллиның хатыны Гөлназ Асаева белән аерылышулары турында да хәбәр иткән идек.
Вилдан Шәмсетдиновның авыр кайгысын уртаклашабыз.
Фото: © социаль челтәрләр