Бәла аяк астында, дигәндәй, Гөлназ Асаева белән өендә күңелсез хәл булган. Бу хакта ул, «ашыгыч ярдәм» машинасында хастаханәгә барганда, социаль челтәрдәге сәхифәсендә хәбәр итәргә өлгергән.
«Мине травпунктка алып киттеләр. Тегәчәкләр. Ванна бүлмәсендә идән юа идем, кинәт тордым да бәдрәф кәгазен элеп куя торган җайланмага киселдем. Вильдан яраны башта күрсәтмәде, аннары теккәч кенә күрсәтте. Бу – билемдәге яра», – дип фотолар күрсәтте җырчы.
