Җырчы Гөлназ Асаевага язылучыларының сорауларына җавап биргәндә: «Ирегез белән еш талашасызмы?» – дигән сорауга аерым тукталып үткән. Берара хәтта аерылышулары турында хәбәр иткән пар, хәзер элеккегә караганда сирәгрәк ачуланыша икән.
Талашабыз инде, ничек талашмаска? Әмма хәзер сирәгрәк, моңа хәзер вакыт та юк. Баштарак бер-беребезгә ияләшү, көндәлек мәшәкәтьләр аркасында тавыш чыга иде. Конфет-букет чоры бер хәл ул, ә инде бергә яши башлагач бөтенләй башка тормыш башлана. Хәзер дә талашабыз, ләкин сирәгрәк. Вильдан да, мин дә тынычлана төштек. Компромисс табып яшибез, – дигән ул.
Шулай ук Гөлназ Асаева банкетларда ничә сумга эшләве турындагы сорауга, «500 сумга» дип җавап биргән иде. Күпләр җырчыга ышанып, «үзегезне бигрәк арзан бәялисез» дигәнрәк сүзләр язганнар.
«Дуслар, сез бигрәк инде. Шаяртуларны да аңламыйсыз. 500 сумга җырламыйм инде мин, сез нәрсә! Бәяләрне администраторым аша белешә аласыз», – дигән ул.